Ցրված սկլերոզ. նոր մեթոդ

Ցրված սկլերոզով պացիենտների վիճակը գնահատելուն կօգնի նոր մեթոդը: Այն բժշկական հետազոտության նոր տեսակ է, որը կատարվել է ամերիկյան համալսարաններից մեկում: Մեթոդը կոչվում է օպտիկական կոգերենտ տոմոգրաֆիա:

Այս նոր մեթոդը, ինչպես նշեցինք, թեստավորում է անցել ԱՄՆ-ում, այն հնարավորություն է տալիս գնահատել պացիենտի մոտ ցրված սկլերոզի ընթացքը:

Վերլուծության համար օգտագործվում են մարդու աչքի ցանցենու վիճակի վերաբերյալ տվյալները: Քանի որ ցանցենու նյարդերը գործնականում անպաշտպան են, նվազագույն փոփոխությունը, որը տեղի է ունենում սկլերոզի դեպքում, հաջողվում է հայտնաբերել գրեթե անմիջապես: Մեթոդը փորձարկվել է Ջոն Հոպկինսի Համալսարանի բժշկական դպրոցում 164 կամավորների հետ, պլանավորվել է, որ հետազոտությունները կշարունակվեն մոտ երկու տարի: Նման տոմոգրաֆիայի նշանակալի առավելությունն այն է, որ գործընթացը տևում է մի քանի րոպե: 

Գիտնականների կարծիքով, տվյալ մեթոդը կարող է հաջողությամբ կիրառվել նյարդաբանական առօրյա պրակտիկայում: 

Ցրված սկլերոզը հիվանդություն է, որի դեպքում քայքայվում է ողնուղեղի և գլխուղեղի պաշտպանական ծածկույթը` միելինը: Հիվանդության դրսևորումներից է մտավոր ընդունակությունների նվազումը, վարքագծի վատացումը, տեսողության նվազումը: Առայժմ  այդ հիվանդության բուժումը դեռ չկա, հնարավոր է միայն դանդաղեցնել հիվանդության զարգացումը:

Հարցեր, պատասխաններ, մեկնաբանություններ